كم مريض قال لكم هالشهر «برجع لكم»
… وما رجع؟
كل استشارة تتحول ملف مكتمل… ومريض يرجع.
رفيق يسمع زيارة الطبيب بالعربي والإنجليزي، يكتب الملف والوصفة والأكواد، ويحوّل خطة العلاج إلى متابعات ترسل من واتساب العيادة بضغطة. والإدارة تشوف كل شهر كم ريال رجع.
كيف الحركة؟ والدوخة اللي كانت تجيك؟
الحركة زينة الحمدلله، بس الدوخة للحين تجيني الصبح.
الضغط ممتاز. الدوخة غالباً من نقص الحديد. نكمل الحديد والفوليك، ونسوي اختبار السكر الأسبوع الجاي.
ووين الفلوس
في كل زيارة بند ينقال وما أحد يتابعه. هذا مساره مع رفيق، من كلام الطبيب لين يرجع المريض.
نساء وولادة
١متابعة حمل، الأسبوع ٢٤علاج طبيعي
١جلسة من باقة ١٠ جلساتجلدية وتجميل
١جلسة ليزرعظام
١ألم في الركبة · زيارة أولىباطنة
١مريض سكري · مراجعةكل بند من هذي كان يضيع… رفيق يحوّله موعد، والموعد يتحول فلوس.
تضيع بعد ما يطلع المريض من الباب
ثلاثة أماكن تتسرب منها، كل يوم:
الطبيب يكتب… بدل ما يكشف
الملف والوصفة والتقرير ياكلون وقته، تتأخر لآخر الدوام، والملف يطلع ناقص.
«برجع لكم»… وما يرجع
تنظيف، جلسات علاج طبيعي، تحليل في الحمل، باقة ليزر. الخطة تنقال، وما أحد يتابعها.
التأمين يرجّع المطالبة
توثيق ناقص أو ترميز غلط، والنتيجة مطالبة مرفوضة وفلوس متأخرة أو ضايعة.
الثلاث لها حل واحد: الزيارة نفسها تنكتب صح، وتنتابع لين يرجع المريض.
والباقي على رفيق
أربع خطوات بالترتيب. ما فيه كيبورد بين الطبيب ومريضه، والزيارة تمشي مثل كل يوم.
يسمع
الجوال على الطاولة بعد موافقة المريض. يفهم اللهجة السعودية مع المصطلحات الإنجليزية.
يكتب
ملف SOAP، الأدوية، الفحوصات، أكواد ICD-10، ملخص للمريض بالعربي، وخطاب تحويل لو انذكر.
الطبيب يعتمد
يراجع ويعدّل بضغطة. رفيق ما يشخّص ولا يقترح علاج، يوثّق اللي قاله الطبيب وينبهه على اللي نسيه.
يتابع لين يرجع
كل متابعة تنزل لقائمة الاستقبال، وترسل من واتساب العيادة، ولما يحجز المريض تنحسب في تقرير الإدارة.
مكتوبة مثل ما قالها الطبيب. رفيق ما يضيف دواء ولا يغيّر جرعة.
الكود مربوط بالتشخيص اللي قاله الطبيب، وهو اللي يعتمده قبل ما يروح للتأمين.
عندك خشونة بسيطة في ركبتك اليمنى. بتبدأ جلسات علاج طبيعي (١٢ جلسة)، وتاخذ المسكّن وقت الألم بس. موعد مراجعتك بعد ٦ أسابيع.
بالعربي البسيط، ويوصل المريض في جواله لما يمسح الكود.
إلى: قسم العلاج الطبيعي
الحالة: خشونة بسيطة في الركبة اليمنى M17.11
المطلوب: ١٢ جلسة علاج طبيعي
المراجعة: عند طبيب العظام بعد ٦ أسابيع
انكتب لأن الطبيب ذكر التحويل. والتحويل يوصل القسم مباشرة.
الملف يجهز قبل ما يطلع المريض
ست أشياء تنكتب من نفس الزيارة، والطبيب يراجعها ويعتمدها:
- ملف SOAP
- الشكوى، الفحص، التقييم والخطة، مرتبة.
- الأدوية والفحوصات
- مثل ما قالها الطبيب في الزيارة.
- أكواد ICD-10
- جاهزة للتأمين، والطبيب يعتمدها.
- ملخص للمريض
- بالعربي البسيط، مو بلغة الملفات.
- خطاب تحويل
- لو انذكر تحويل في الزيارة.
- النواقص
- ينبّه الطبيب على النواقص في التوثيق.
رفيق يوثّق بس. ما يشخّص، ولا يقترح علاج.
جرّب على زيارةكل متابعة تنزل عند الاستقبال، وتنرسل بضغطة
تحليل، جلسة، موعد مراجعة، أو علاج انقبل وما انحجز. كلها في قائمة يومية وحدة، وترسل من واتساب العيادة نفسه.
الاستقبال يضغط مرة وحدة. ولما المريض يحجز، تنحسب في تقرير الإدارة.
ورفيق يعرف وينها في كل تخصص
ثمانية تخصصات، وكل واحد له ملفه ومتابعته. والأرقام هنا أمثلة توضيحية من زيارات تجريبية.
نساء وولادة
ولا موعد يفوت طول الحمل
أسنان
العلاج المقبول يتحول موعد
عظام
التحويل الداخلي ما يضيع
علاج طبيعي وتأهيل
المريض يكمّل باقته
باطنة وطب أسرة
المزمنين يرجعون في وقتهم
أطفال
التطعيمات ما تفوت
جلدية وتجميل
الباقة تكتمل
نفسية
المريض ما ينقطع
التخصص يتغير، والنتيجة وحدة: المريض يرجع، والملف مكتمل.
يمسح الكود… وملفه في جيبه
آخر الزيارة يطلع كود على الشاشة. المريض يمسحه بكاميرا جواله، بدون تطبيق وبدون تسجيل، ويحصل:
- ملخص الزيارة بكلام بسيط بالعربي
- خطواته الجاية بتواريخها: تحليل، جلسة، موعد
- أدويته مع تأشير يومي «أخذتها»
- واجباته وتمارينه، والعلاج النفسي بخصوصية أعلى
وش صار في الزيارة
الحمل ماشي زين في الأسبوع ٢٤، والدوخة غالباً من نقص الحديد. كمّلي الحديد والفوليك، ونسوي اختبار السكر الأسبوع الجاي.خطواتك الجاية
أدويتك اليوم
يبي يعرف كم ريال رجع
كل شهر صفحة وحدة: كم استشارة تحولت حجز، كم خطة علاج انفتحت وكم رجع منها، كم مريض رجع بسبب المتابعة، ومين من الأطباء ملفاته ناقصة.
- الإيراد اللي رجع من المتابعات، لكل عيادة ولكل طبيب
- خطط العلاج المفتوحة بقيمتها: مين قبل وما حجز
- المطالبات المرفوضة قبل رفيق وبعده
- اكتمال التوثيق لكل طبيب
الأرقام مثال يوضح شكل التقرير، مو نتائج عميل.
رفيق يركب فوقه من أول يوم
نفس الطريقة لعيادة بطبيب واحد أو لمستشفى كامل: الطبيب يتكلم، ورفيق يكتب ويتابع.
العيادات
أسنان، جلدية وتجميل، نفسية، نساء وولادة. تبدأ بطبيب واحد وتكبر.
طبيب واحد يكفي للبدايةالمجمعات والمستوصفات
كل التخصصات تحت سقف واحد: قائمة متابعة وحدة للاستقبال، وتقرير واحد للإدارة.
استقبال واحد لكل التخصصاتالمستشفيات الخاصة والمتخصصة
نبدأ بتجربة على قسم أو عدد من الأطباء، نقيس الأرقام، وبعدها نتوسع.
قسم واحد أولاً، ثم نتوسعنبي مرضاكم يرجعون لكم
أربع قواعد واضحة، ما فيها استثناءات مخفية.
موافقة المريض
التسجيل ما يبدأ إلا بموافقته، وتنحفظ مع الزيارة.
الطبيب صاحب القرار
رفيق يوثّق اللي قاله الطبيب فقط. لا يشخّص ولا يقترح علاج، ولا شيء يدخل الملف قبل اعتماده.
داخل السعودية
في تشغيل العيادات نستضيف البيانات داخل المملكة، ونلتزم بنظام حماية البيانات الشخصية.
بياناتكم لكم
هي ملككم، وأنتم اللي تقررون وش يصير فيها.
- ما نستخدمها لتدريب أي نموذج.
- ما نبيعها.
- ما نطّلع عليها.
- أنتم بس اللي تقرونها، إلا إذا طلبتوا دعم فني وبإذنكم.
- تقدرون تصدّرونها أو تحذفونها متى ما بغيتوا.
تجربة على عيادتكم، والقرار بالأرقام
نبدأ بعدد من الأطباء، ونقيس قبل وبعد: وقت التوثيق، الاستشارات اللي تحولت حجز، والمرضى اللي رجعوا.
- تعبّي الطلب، ونتواصل معك على واتساب.
- نبدأ بعدد من الأطباء في عيادتكم.
- نقيس قبل وبعد، والقرار لكم بالأرقام.